ERFA og Formula hava almannakunngjørt nýggjan portal - innlating.fo - at senda inn XBRL við.

ERFA og Formula eru í ferð við at leggja síðstu hond á nýggjan portal - innlating.fo - at senda inn XBRL við.

Øllum partafeløgum og smápartafeløgum er álagt at senda inn bæði ársroknskap og skattaroknskap í XBRL-formati í seinasta lagi 31. desember 2017.

Taks hevur ásett í kunngerð, at allir skattaroknskapir fyri 2016 skulu innlatast talgilt umvegis Vinnugluggan. Feløg, sum hava skyldu at lata inn ársfrásøgn til Skráseting Føroya, fara at skula lata ársfrásøgn og skattligar sundurgreiningar inn í bæði PDF- og XBRL-formati.